Улаанбаатар Эрдэм Их Сургууль нь 1996 онд үүсгэн байгуулагдсанаас хойш 20 жил тогтвортой үйл ажиллагаа явуулж байна. УБЭИС нь 2003 онд анхны, 2008 онд 2 дахь удаагийн магадлан итгэмжлэлд орж, 2018 он хүртэл магадлан итгэмжлэгдсэн төдийгүй БШУЯ-ны сайдын баталсан А/449 тоот тушаалаар 2012 онд их сургуулийн ангилалд шилжин ажиллах болсон. Багшлах боловсон хүчин, сургалтын хөтөлбөр, материаллаг баазын хувьд төлөвшсөн, эрчимтэй хөгжиж байгаа сургууль юм. Тус сургууль нь кредит системийг бүрэн утгаар нь төлөвшүүлсэн учраас мэргэжлийн сонголт хийх маш өргөн боломжийг бүрдүүлж чадсан боловсролыг байгууллага юм. Өнөөдөр тус сургуулийн бакалавр, магистрын өдөр, орой, эчнээ салбарт 1800 оюутан суралцдаг, 70 гаруй үндсэн багштай, тэдний 40 шахам хувь эрдмийн зэрэг цолтой судлаач багш, эрдэмтэд байна.

“Е-нээлттэй” сургууль нь 2020 оны 01 сард үүсгэн байгуулагдаж Улаанбаатар Эрдэм Их Сургуулийн бүрэлдэхүүн сургууль болон сургалтаа 100% онлайнаар зохион байгуулж, ажлын байрнаасаа хөндийрөхгүй цаг заваа ашиглан, төлбөрийн уян хатан нөхцөлөөр, харьцангуй хямд зардлаар магистрын хөтөлбөрүүдэд суралцаж мэдлэг боловсролоо дээшлүүлэх боломжийг бүрдүүлэн үйл ажиллагаагаа явуулж байна.

Тус сургууль нь дэвшилтэт платформ, медиа студи, албан оффисоос бүрдсэн, магадлан итгэмжлэгдсэн хөтөлбөрүүдээр магистрын салбарт 50-аад оюутан амжилттай суралцан төгссөн, одоогоор 100 гаруй магитсрант суралцаж, эрдмийн зэрэг цолтой 12 судлаач багш, эрдэмтэд, 6 хүний бүрэлдэхүүнтэй байгууллага ажиллаж байна.